وہ لڑکی پھول جیسی ہے

بہت شاداں، بہت دلکش
بہت نازک، بہت کومل
اُسے پاکیزہ نظروں سے
ہمیشہ میں نے دیکھا ہے
اُسے پاکیزہ سوچوں میں
ہمیشہ میں نے سوچا ہے
اُسے میں جب بھی دیکھوں تو
قسم سے اپنی پلکیں بھی
جھکانا بھول جاتا ہوں
اُسے دیکھا ہے میں نے پر
بہت محتاط نظروں سے
میں ڈرتا ہوں کہیں اُس کو
نظر میری نہ لگ جائے
کہ اُس کا مرمریں نازک سراپا
سر سے پا تک اپنی خوشبو سے مہکتا ہے
کہ اُس کے پاس جانے سے
میری ہر سانس بھینی بھینی
خوشبو سے مہکتی ہے
اُسے چھونے سے ڈرتا ہوں
گلابی رنگ چھونے سے
کہیں میلا نہ ہو جائے
ذرا سوچو، ذرا بوجھو
وہ لڑکی کون ہے سوچو
وہ لڑکی کون ہے بوجھو
چلو میں خود بتا دیتا ہوں
اُس لڑکی کے بارے میں
وہ لڑکی آپ ہو وللہ
وہ لڑکی آپ ہو وللہ