پہلی نظر دل پر جو پہلا وار

محبت کی تیری دنیا میری آنکھوں میں بستی ہے
تیری محفل تصور کو سدا آباد رکھتی ہے

دریچے دل کی بستی کے دستک نے کھولے ہیں
تیرے آنے سے کِشتِ دل گل و گزار رہتی ہے

کہاں فرصت ملی ہم کو تیری یادوں کی محفل سے
تمہارے پیار کی خوشبو ہمارے ساتھ رہتی ہے

سنا ہے کہ اثر اُس کا کبھی زائل نہیں ہوتا
وہ اک پہلی نظر دل پر جو پہلا وار کرتی ہے

اُسے اتنا ہی کہنا ہے کہیں مجھ کو ملے گر وہ
تیرے دل کی ہی دھڑکن اب میرے دل میں دھڑکتی ہے