پیار کرنے کے تم ہی ہو قابل

ہے تسلی کہ رازدان ہو تم
میرے ہو مجھ پہ مہربان ہو تم

یہ سوچ کرملی بہار مجھے
میری الفت کے قدردان ہو تم

دونوں میں فرق ہے تو بس اتنا
میں زمیں اور آسمان ہو تم

میں نے دیکھا قریب آ کے تمہیں
اس جہاں میں نیا جہان ہو تم

پیار کرنے کے تم ہی ہو قابل
پیار پر میرے کیوں حیران ہو تم

تم پہ مجھکو بڑا بھروسہ ہے
میری الفت ہو میرا مان ہو تم

کیسے تم بن رہے بھلا سارہ
میرا سب کچھ ہو میری جان ہو تم