چشمِ قاتِل کو سرِ بزم یوں حیراں پاکر
Poet: فیصل سعید فیصلؔ By: Faisal Saeed, Karachiچشمِ قاتِل کو سرِ بزم یوں حیراں پاکر
دل پَرِیشاں رہا قاتِل کو پَرِیشاں پا کر
ڈھونڈیے گا تو نہ مل پائے گا مثلِ عَنْقا
سوزِ دل ساز ہوا سِینَۂِ سوزاں پاکر
حَشْر پر اس نے اٹھا رکھی ہے خود سوزیِ دل
قَیس ناشاد ہے یوں زِیسْت کو آساں پاکر
دِل نے وہ شور بَپا کُنْجِ شبِ ہائے قَفَس
نَوحَہ گَر چپ نہ رہا گورِ غَرِیباں پا کر
دامَنِ دَشْت سے اٹھتا ہے فُسُوں کا چرچا
عِشْق مَشْہُور ہوا چاک گِریباں پاکر
حُسنِ جاں سوز کے آنے کا گُماں ہوتا ہے
رُوح بے چین ہے تُرْبَت پہ چَراغاں پا کر
اسمِ شبیر رہا اپنا وظیفہ فیصلؔ
جی مچلتا ہے مرا تیغ کو عُرْیاں پاکر
Rate it: 
Views: 539
02 Apr, 2017
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
