کوئی مشکل بات نہیں تھی سیدھے سے افسانے میں
Poet: Azra Naz By: Azra Naz, Reading UKکوئی مشکل بات نہیں تھی سیدھے سے افسانے میں
تم نے کتنی دیر لگا دی دِل کی بات بتانے میں
ہم دونوں نے مل کر جس ویرانے کو گلزار کیا
ہم سے پہلے بھی تھا کوئی ، شاید اُس ویرانے میں
جانے کب اُس شخص نے اپنی دنیا ایک بسا لی تھی
ہم تو بس مصروف رہے لفظوں کے پھول کھلانے میں
چاہت کی بربادی کے اِک تم ہی ذمے دار نہ تھے
شاید کوئی بھول ہوئی تھی ہم سے بھی انجانے میں
خوابوں کی تعبیر نہ دینا شیوہ ہو جن لوگوں کا
کتنے ماہر ہوتے ہیں وہ خوابوں سے بہلانے میں
ان کے تھے،ان کے ہیں اور ان کا ہی ہم کو رہنا ہے
ہم نے ساری عمر لگا دی ان کو یہ سمجھانے میں
ہو جائے نہ خاک نشیمن اپنا ، دشمن تاک میں ہے
وقت ہی کتنا لگتا ہے تنکوں کو آگ لگانے میں
کتنا اچھا دور تھا عذراؔ جب کوئی بھی فکر نہ تھی
ہم مصروف رہا کرتے تھے ہنسنے اور ہنسانے میں
More Love / Romantic Poetry
وہ پھول اپنی کتابوں میں رکھ کے بھول گیا وہ پھول اپنی کتابوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
Ab shahzad







