کیا بتائیں زندگی کیسے رواں دواں ہے

کیا بتائیں زندگی کیسے رواں دواں ہے
لہروں کی آغوش ہےاور بحرِ بےکراں ہے

اِک ہجوم میں رہتا ہوں، مگر تنہا ہوں
فصلِ گل میں بھی گُلشن پہ خزاں ہے

بات بے بات ہنستا ہے کبھی رو دیتا ہے
اس دل کی کیا کیا کہیں یہ تو ناداں ہے

وہ کہہ تو رہا ہے کہ کوئی غم نہیں اُسے
آنکھوں سے مگر اُسکے کچھ اور عیاں ہے

یہ بدلے ہوئے تیور دیکھ کے یوں لگتا ہے
وہ بھی غیروں کی طرح مجھ سے بدگماں ہے

میں کیونکر اس سے تجدید ِمراسم چاہوں
جو کسی بات پہ نادم ہے نا ہی پشیماں ہے

بہتات ِمحبت سے بھی رضا محتاط رہا کر
فراوانی کی بے قدری ہی دستور زماں ہے