کیہہڑی گل توُں رُسیا ایں میتھوں ، ایسی کیہہ گل ہویٔ

کیہہڑی گل توُں رُسیا ایں میتھوں ، ایسی کیہہ گل ہویٔ
اڑیا توُں وی کر لیندوں اِک دِن میری دِل جویٔ

پلکاں نال چنےُ میں سارے کنڈے تیرے رستے دے
تیرے ناں دی مالاں تے میں ساہنواں نال پرویٔ

سرہیوں دا میں ساگ پکایا ، تے مکی دی روٹی
ہولی ہولی آ جا سجناں توں وی چن دی لویٔ

میں کیہہ جاناں کیہندے سن کیوں سارے لوک سیانے
اوسے دا ہر کویٔ ایتھے جِس دے ہتھ وُچ ڈویٔ

میرے اتھروُ تے بدل دا خورے کیہہ رِشتہ سی ؟
اُوس ویلے سی بدل ورہیا جِس ویلے میں رویٔ

اوکھے ویلے کویٔ نیںٔ سی جو ساڈے کم آؤ ندا
بھاری پنڈ عمر دی اپنے سر دے اُتے ڈھویٔ

جھلی ساں جو پے گیٔ ساں میں پیار دے اوکھے پینڈے
اِس رستے تے ناں جا عذراؔ کیہندا سی ہر کویٔ