ہوائیں مہکیں محبت کے پھول کھلنے لگے (دوگانا)
Poet: Dr.Zahid Sheikh By: Dr.Zahid Sheikh, Lahore Pakistanلڑکی
۔۔۔۔۔۔۔۔۔۔۔۔
ہم ایک دوجے سے ان وادیوں میں ملنے لگے
ہوائیں مہکیں محبت کے پھول کھلنے لگے
تمھارے دل کی میں دھڑکن ہوں اے مرے ہمدم
ہو پیاسے تم تو میں ساون ہوں اے مرے ہمدم
خوشی کے پل ہمیں اب صبح و شام ملنے لگے
ہوائیں مہکیں محبت کے پھول کھلنے لگے
لڑکا
۔۔۔۔۔۔۔۔۔۔۔
حسیں نظاروں میں ہم تم جو آج ملنے لگے
ہر ایک سمت محبت کے پھول کھلنے لگے
نئی امنگ ، نئی زندگی ملی مجھ کو
تمھارا پیار ملا ہر خوشی ملی مجھ کو
قدم قدم پہ جو کھائے تھے زخم سلنے لگے
ہر ایک سمت محبت کے پھول کھلنے لگے
لڑکی
۔۔۔۔۔۔۔۔۔۔۔
ہم ایک دوجے سے ان وادیوں میں ملنے لگے
ہوائیں مہکیں محبت کے پھول کھلنے لگے
لڑکا
۔۔۔۔۔۔۔۔۔۔
حسیں نظاروں میں ہم تم جو آج ملنے لگے
ہر ایک سمت محبت کے پھول کھلنے لگے
Rate it: 
Views: 594
29 Dec, 2013
More Love / Romantic Poetry
