Add Poetry

یہ تو ملنے کا سلسلہ ہی نہیں

Poet: وشمہ خان وشمہ By: وشمہ خان وشمہ, ملایشیا

یہ تو ملنے کا سلسلہ ہی نہیں
شہر جاں کا کوئی صلہ ہی نہیں

میرے پیچھے ہے ڈوبتا سورج
غم میں غمگین روکتا بھی نہیں

رات بھر خود کو یوں جگانے کی
جو تری جان سے جدا ہی نہیں

میری آنکھوں میں رت جگے ہیں مگر
میرے خوابوں سے رابطہ ہی نہیں

وہ جو رہتا ہے دل کی دھڑکن میں
اس کو اپنوں سے واسطہ ہی نہیں

اب جو مجھ سے خفا یہ قسمت ہے
پھر ترا کوئی پوچھتا ہی نہیں

منزل عشق پھر کہاں مشکل
استواری کا فیصلہ ہی نہیں

بس خدا کا ہی نام یاد رہے
خواہشوں کی کوئی دعا ہی نہیں

خود کو طوفاں میں آزمائیں ذرا
ساحلوں کا ہی راستہ ہی نہیں

خیر اوروں کے واسطے ہو سدا
اس کو وشمہ سے واسطہ ہی نہیں

Rate it:
Views: 261
18 Mar, 2016
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets