مہنگائی کی شرح میں کمی

ملک میں مہنگائی کی شرح میں گزشتہ ہفتے کے دوران 0.38 فیصد کمی ریکارڈ کی گئی ہے۔

پاکستان بیوروبرائے شماریات کے اعدادوشمارکے مطابق 13 فروری کو ختم ہونے والے ہفتے کے دوران مشترکہ آمدنی والے گروپ کیلئے قیمتوں کا حساس اشاریہ 130.85 پوائنٹس رہا، گزشتہ ہفتے میں اس گروپ کیلئے قیمتوں کا حساس اشاریہ 131.35 پوائنٹس ریکارڈ کیا گیاتھا۔

اعدادوشمارکے مطابق 17732 روپے ماہانہ آمدنی والے گروپ کیلئے قیمتوں کے حساس اشاریہ میں 0.47 فیصد کی کمی ریکارڈ کی گئی۔

اس گروپ کیلئے قیمتوں کاحساس اشاریہ 134.07 پوائنٹ ریکارڈ کیا گیا، گزشتہ ہفتے کے دوران اس گروپ کیلئے قیمتوں کا حساس اشاریہ 134.70 پوائنٹس رہا تھا۔17733 روپے سے لیکر22888 روپے ماہانہ آمدنی والے گروپ کیلئے قیمتوں کے حساس اشاریہ میں 0.45 فیصد، 22889 سے لیکر29517 روپے ماہانہ آمدنی والے گروپ کیلئے قیمتوں کے حساس اشاریہ میں 0.42 فیصد اور29518 روپے سے لیکر44175 روپے ماہانہ آمدنی والے گروپ کیلئے قیمتوں کے حساس اشاریہ میں 0.40 فیصد کی کمی ریکارڈ کی گئی ہے۔

گزشتہ ہفتے کے دوران 13 ضروری اشیاءکی قیمتوں میں کمی ، 22 میں اضافہ اور16 اشیائے ضروریہ کی قیمتوں میں کوئی ردوبدل نہیں ہوا۔جن اشیاءکی قیمتوں میں کمی ہوئی ان میں ٹماٹر، آلو، چکن، انڈے، ایل پی جی سلنڈر، دال مسور، آٹا، دال مونگ، دال ماش، گڑ اورجلانے کی لکڑی شامل ہیں۔

جن اشیاءکی قیمتوں میں اضافہ ہواہے ان میں کیلا،بناسپتی گھی، مرچ،لہسن، کوکنگ آئل، سرسوں کا تیل، کپڑے، پیاز، ٹوائلٹ سوپ ، مٹن اورچاول شامل ہیں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.