آئی سی سی پول میں عمران خان بہترین کپتان قرار

فوٹو: آئی سی سی

انٹرنیشنل کرکٹ کونسل (آئی سی سی) نے اپنے سروے میں وزیراعظم عمران خان کو سب سے بہترين کپتان قرار دے دیا۔

آئی سی سی نے جن چار کرکٹرز کے نام دیے ہیں ان میں انڈیا کے ویرات کوہلی، جنوبی افریقہ کے اے بی ڈی ویلیئرز، آسٹریلوی خاتون کرکٹر میگ لیننگ اور پاکستان کے سابق کپتان عمران خان شامل تھے۔

آئی سی سی کی جانب سے کرائے گئے پول میں سب سے بہترين کرکٹ ليجنڈ کے بارے میں سوال کیا گیا تھا جس پر پوری دنيا سے عمران خان کو 47فیصد سے زائد ووٹ ملے۔

بھارتی کپتان ویرات کوہلی دوسرے دوسرے نمبر پر جگہ بناسکے، کوہلی کو 46فیصد ووٹ ملے۔ اسی طرح جنوبی افریقہ کے سابق کپتان و وکٹ کیپر اے بی ڈیویلئرز صرف 6 فیصد ووٹ ہی لے سکے۔

آئی سی سی کے پول میں 58لاکھ 36ہزار سے زائد ووٹ پول کیے گئے تھے۔

واضح رہے کہ آئی سی سی نے پولنگ میں لوگوں سے کہا ہے کہ وہ یہ فیصلہ کریں کہ ان چاروں میں سے کس نے کپتان بننے کے بعد بہترین کارکردگی دکھائی ہے۔

یاد رہے کہ عمران خان کپتان بننے سے قبل ٹیسٹ میں بیٹنگ میں 25.43 کی اوسط رکھتے تھے جبکہ بولنگ میں ان کی اوسط 25.53 تھی۔ تاہم کپتان بننے کے بعد بیٹنگ اوسط بہتر ہوکر 52.34 ہوگئی جبکہ بولنگ اوسط میں بھی زبردست بہتری آئی اور وہ 20.26 فیصد ہوگئی۔

آئی سی سی نے اپنی ٹویٹ میں ان چاروں کرکٹرز کے جو اعداد و شمار دیے ہیں ان کے مطابق ویرات کوہلی کی بیٹنگ اوسط عام کھلاڑی کی حیثیت سے 51.29 فیصد تھی جو کپتان بننے کے بعد 73.88 فیصد ہوگئی ہے۔

اے بی ڈی ویلیئرز جو ہر زاویے سے شاٹس کھیلنے کی وجہ سے مسٹر 360 کہلاتے ہیں ان کی کپتان بننے سے پہلے ون ڈے کی بیٹنگ اوسط 45.97 فیصد تھی، کپتان بننے کے بعد وہ 63.94 فیصد ہوگئی تھی۔

میگ لیننگ کی ون ڈے کی بیٹنگ اوسط کپتان بننے سے قبل 43.87 فیصد تھی، جس میں کپتان بننے کے بعد بہتری آئی اور وہ 60.93 ہوگئی۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

241