’آپ کا فون ہیک کیا جارہا ہے‘، اب ایپل اپنے صارفین کو خبردار کرے گا

image

ایپل اپنے ان صارفین کو اب ایمرجنسی نوٹیفیکیشن بھیجے گا جن پر ریاستی اسپانسر ہیکرز حملہ کر رہے ہوں گے۔

برطانوی ویب سائٹ انڈیپینڈنٹ کے مطابق ایپل تھریٹ نوٹیفیکیشن نامی یہ فیچر صارفین کو بتائے گا کہ انہیں ہیک کیا جارہا ہے اور انہیں کیا اقدامات لینے ہیں اس متعلق ان کی رہنمائی کرے گا۔

یہ ایمرجنسی نوٹیفیکیشن صارف کی ایپل آئی ڈی پر ای میل اور آئی میسج نوٹیفیکیشن کی صور میں آئیں گے۔

صارف انہیں ایپل کی ویب سائٹ پر لاگ اِن ہوکر بھی دیکھ سکیں گے۔

ریاستی اسپانسر ہیکنگ حملے عام سائبر حملوں کی نسبت کہیں زیادہ پیچیدہ ہوتے ہیں۔ جس کی وجہ سے ان کی نشاندہی کافی مشکل ہوسکتی ہے۔ اس کا مطلب ہے کہ یہ عموماً ہائی-پروفائل یا خاص لوگوں کے خلاف کیا جاتا ہے۔

ایپل نے بتایا کہ ان نوٹیفیکیشن کے وصول کنندہ افراد بہت محدود ہوں گے اور شاید انہیں اس بات کا پہلے سے علم ہو کہ انہیں ایسے حملوں کے خطرات لاحق ہیں۔

ایپل کا مزید کہنا تھا ’روایتی سائبر مجرمان کے برعکس ریاستی اسپانسرڈ حملہ آور مخصوص افراد اور ان کی ڈیوائسز کو نشانہ بنانے کےلیے غیرمعمولی وسائل کااستعمال کرتے ہیں۔ جس کی وجہ سے ان سے بچنا اور انہیں روکنا بہت مشکل ہوجاتا ہے۔ ریاستی اسپانسرڈ حملے نہایت پیچیدہ ہوتےہیں اور ان پر لاکھ ڈالرز لگتے ہیں۔‘

مزید کہا گیا کہ ’صارفین کی وسیع تعداد ان حملوں کا شکار کبھی نہیں ہوگی۔‘

Square Adsence 300X250


News Source   News Source Text

WATCH LIVE NEWS

مزید خبریں
سائنس اور ٹیکنالوجی
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.