سندھ: بلدیاتی انتخابات، پولنگ کا وقت ختم، ووٹوں کی گنتی کا عمل شروع

image

سندھ کے 14 اضلاع میں ہونے والے بلدیاتی انتخابات میں پولنگ کا وقت ختم ہوگیا ہے لیکن الیکشن کمیشن نے مختلف پولنگ اسٹیشنز پر پولنگ کا دورانیہ بڑھا دیا ہے۔ ووٹوں کی گنتی کا عمل شروع کردیا گیا ہے۔

ہم نیوز کے مطابق الیکشن کمیشن کے ترجمان کا کہنا ہے کہ جن پولنگ اسٹیشنز پر پولنگ کا عمل کسی بھی وجہ سے رکا تھا وہاں پولنگ کا دورانیہ بڑھایا گیا ہے۔

الیکشن کمیشن کے ترجمان نے اس حوالے سے واضح کیا ہے کہ پولنگ کا دورانیہ اتنا ہی بڑھایا جائے گا جتنی دیر تک پولنگ کا عمل رکا تھا۔

واضح رہے کہ پی پی رہنما تاج حیدر نے چیف الیکشن کمشنر سے پولنگ کا وقت دو گھنٹے تک بڑھانے کی درخواست کی تھی۔ انہوں ںے کہا تھا کہ ووٹرز کو شام سات بجے تک ووٹ ڈالنے کی اجازت دی جائے۔

الیکشن کمیشن آف پاکستان کے ترجمان کے مطابق وفاقی دارالحکومت اسلام آباد میں مرکزی اور الیکشن کمشنر سندھ کے دفتر کراچی میں صوبائی مانیٹرنگ سیل قائم کر دیا گیا ہے۔

الیکشن کمیشن نے سندھ کے پہلے مرحلے کے بلدیاتی انتخابات کے دوران بیلٹ پیپرز پر امیدواروں کے غلط نام یا نشان پرنٹ ہونے والے وارڈز میں پولنگ ملتوی کر دی۔

الیکشن کمیشن کے ترجمان کے مطابق سندھ کے پہلے مرحلے کے بلدیاتی انتخابات میں چند وارڈز کے بیلٹ پیپرز پر امیدواروں کے نام یا نشان غلط پرنٹ ہوئے ہیں۔

ترجمان کے مطابق ان تمام وارڈز پر پولنگ ملتوی کردی گئی ہے، ان نشستوں پر دوبارہ الیکشن کے لیے الیکشن کمیشن نیا شیڈول جاری کرے گا۔ انہوں نے کہا کہ الیکشن کمیشن نے بیلٹ پیپرز پر غلط نام یا نشان شائع ہونے کی انکوائری کا بھی حکم دیا ہے۔

بلدیاتی انتخابات پر تحفظات،چیف الیکشن کمشنر کی ایم کیو ایم وفد کو ملاقات کی دعوت

ہم نیوز کے مطابق جوائنٹ الیکشن کمشنر سندھ علی اصغر سیال نے اس حوالے سے جاری کیے گئے بیان میں کہا ہے کہ جہاں بیلٹ پیپرز پر امیدوار کا نام یا نشان غلط پرنٹ ہوا ہے وہاں الیکشن ملتوی کیے گئے ہیں۔ انہوں نے واضح کیا کہ ان پولنگ اسٹیشنز پر دوبارہ انتخابات کا اعلان بعد میں کیا جائے گا۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.