وزیر اعظم سے اختلافات: برطانوی وزیرصحت اور مستعفی

image

برطانوی وزیرصحت ساجد جاوید اور وزیرخزانہ رِشی سوناک  وزیراعظم بورس جانسن کی کابینہ سے مستعفی ہو گئے۔

پاکستانی نژاد برطانوی وزیرصحت  ساجد جاوید نے ٹویٹرپر لکھا کہ انہوں  نے وزیر اعظم سے بات کر کے وزیرصحت اور سماجی نگہداشت کی حیثیت سے استعفی دے دیا ہے، انہوں نے کہا کہ برطانیہ کے وزیرصحت کی حیثیت خدمات انجام دینا میرے لیے ایک بڑا اعزازرہا ہے۔

 اپنے استعفے کے خط میں ساجد جاوید نے لکھا کہ وزیراعظم بورس جانسن ایک رہ نما کی حیثیت سے آپ نے جولہجہ طے کیا  اور آپ جن اقدار کی نمائندگی کرتے ہیں،ان کی آپ کے ساتھیوں، آپ کی پارٹی اوربالآخر ملک پر عکاسی ہوتی ہے۔ قدامت پسندوں کواپنی بہترین کارکردگی کا حامل سخت گیر فیصلہ سازوں کے طور پردیکھا جاتا ہے اور وہ اپنی مضبوط اقدارسے رہنمائی حاصل کرتے ہیں۔ پارلیمان میں اعتماد کا ووٹ عاجزی، گرفت اور نئی سمت کاایک لمحہ تھا۔ تاہم مجھے یہ کہتے ہوئے افسوس ہورہا ہے کہ آپ کی قیادت میں یہ صورت حال تبدیل نہیں ہوگی اوراس لیے آپ نے میرا اعتماد بھی کھو دیا ہے۔

دوسری جانب بھارتی نژاد مسٹرسوناک نے لکھا کہ معیشت کے بارے میں ہماری مجوزہ مشترکہ تقریرکی تیاری میں میرے لیے یہ واضح ہو گیا ہے کہ ہمارے نقطہ نظربنیادی طور پربہت مختلف ہیں۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.