بے نیاز دہر کر دیتا ہے عشق
Poet: ابو الحسنات حقی By: مصدق رفیق, Karachiبے نیاز دہر کر دیتا ہے عشق
بے زروں کو لعل و زر دیتا ہے عشق
کم نہاد و بے ثبات انسان میں
جانے کیا کیا جمع کر دیتا ہے عشق
کون جانے اس کی الٹی منطقیں
ٹوٹے ہاتھوں میں سپر دیتا ہے عشق
پہلے کر دیتا ہے سب عالم سیاہ
اور پھر اپنی خبر دیتا ہے عشق
جان دینا کھیلتے ہنستے ہوئے
قتل ہونے کا ہنر دیتا ہے عشق
کٹ گریں اور پھر بھی قائم ہیں صفیں
کتنے بازو کتنے سر دیتا ہے عشق
سر برہنہ ہیں انا گنبد جو تھے
آندھیوں سے سو کو بھر دیتا ہے عشق
درد مندی پر جو قائم ہوں انہیں
نور افزا چشم تر دیتا ہے عشق
ایک بوجھل رات کٹ جانے کے بعد
ایک لمحے کو سحر دیتا ہے عشق
یہ سمجھ تم کو بھی ہوگی صاحبو
دل کو کیوں شعلوں میں دھر دیتا ہے عشق
چل نکلنے کا ارادہ باندھئے
دیکھیے سمت سفر دیتا ہے عشق
قدر ہے جس کی خیام حور میں
آبرو کا وہ گہر دیتا ہے عشق
Rate it: 
Views: 183
19 Dec, 2024
More Love / Romantic Poetry
میری کوشش کا ثمر ہے مختلف میری کوشش کا ثمر ہے مختلف
پیار کا اس پر اثر ہے مختلف
ساری دنیا میں نہیں اس کی مثال
سب سے وہ رشک قمر ہے مختلف
دل مرا تسکین پاتا ہے یہاں
میرے گھر سے تیرا گھر ہے مختلف
اس کو بھاتی ہیں خطائیں بھی مری
ماں کا انداز نظر ہے مختلف
مجھ سے اکثر متفق ہوتا تو ہے
کیا ہوا مجھ سے اگر ہے مختلف
ہو گئی دشوار راہ زندگی
مجھ سے میرا ہم سفر ہے مختلف
مطمئن ہے رنج و غم میں بھی زماں
در حقیقت وہ بشر ہے مختلف
پیار کا اس پر اثر ہے مختلف
ساری دنیا میں نہیں اس کی مثال
سب سے وہ رشک قمر ہے مختلف
دل مرا تسکین پاتا ہے یہاں
میرے گھر سے تیرا گھر ہے مختلف
اس کو بھاتی ہیں خطائیں بھی مری
ماں کا انداز نظر ہے مختلف
مجھ سے اکثر متفق ہوتا تو ہے
کیا ہوا مجھ سے اگر ہے مختلف
ہو گئی دشوار راہ زندگی
مجھ سے میرا ہم سفر ہے مختلف
مطمئن ہے رنج و غم میں بھی زماں
در حقیقت وہ بشر ہے مختلف
اسلم
مہر تاباں ہوں ڈھل رہا ہوں میں مہر تاباں ہوں ڈھل رہا ہوں میں
وقت کے ساتھ چل رہا ہوں میں
فضل رب سے ہوا موافق ہے
بجھنے والا تھا جل رہا ہوں میں
میرا محبوب شاخ گل جیسا
سوچ کر ہی مچل رہا ہوں میں
اس کو پانا بہت کٹھن تھا مگر
اس مشن میں سپھل رہا ہوں میں
قدر کی جائے میرے شعروں کی
لوگو موتی اگل رہا ہوں میں
اک طرف رکھ دیا ہے اپنا مزاج
حسب موسم بدل رہا ہوں میں
رہ گزر عشق کی ارے توبہ
جیسے شعلوں پہ چل ہا ہوں میں
لوگ مر جاتے ہیں زماںؔ ان میں
جن مسائل میں پل رہا ہوں میں
وقت کے ساتھ چل رہا ہوں میں
فضل رب سے ہوا موافق ہے
بجھنے والا تھا جل رہا ہوں میں
میرا محبوب شاخ گل جیسا
سوچ کر ہی مچل رہا ہوں میں
اس کو پانا بہت کٹھن تھا مگر
اس مشن میں سپھل رہا ہوں میں
قدر کی جائے میرے شعروں کی
لوگو موتی اگل رہا ہوں میں
اک طرف رکھ دیا ہے اپنا مزاج
حسب موسم بدل رہا ہوں میں
رہ گزر عشق کی ارے توبہ
جیسے شعلوں پہ چل ہا ہوں میں
لوگ مر جاتے ہیں زماںؔ ان میں
جن مسائل میں پل رہا ہوں میں
اقبال
راہ منزل کی مسافر کو سجھاتے ہیں چراغ راہ منزل کی مسافر کو سجھاتے ہیں چراغ
روشنی کر کے اندھیروں کو مٹاتے ہیں چراغ
جن کی آنکھیں نہیں ان کے لئے بے فیض مگر
آنکھ والوں کے بہت کام بناتے ہیں چراغ
دن نکلتا ہے تو ہو جاتے ہیں یہ بے وقعت
ظلمت شب میں مگر رنگ جماتے ہیں چراغ
یاد کرتا ہوں میں اس رشک قمر کو ایسے
جس طرح لوگ اندھیرے میں جلاتے ہیں چراغ
ڈر کے تاریکی سے جو ترک سفر کرتا ہے
حوصلہ ایسے مسافر کا بڑھاتے ہیں چراغ
چین سے بیٹھنا لوگوں کو کہاں آتا ہے
خود نہیں رکھتے تو اوروں کے بجھاتے ہیں چراغ
درس دیتے ہیں محبت کا زماںؔ کو اکثر
لوگ نادان ہیں سورج کو دکھاتے ہیں چراغ
روشنی کر کے اندھیروں کو مٹاتے ہیں چراغ
جن کی آنکھیں نہیں ان کے لئے بے فیض مگر
آنکھ والوں کے بہت کام بناتے ہیں چراغ
دن نکلتا ہے تو ہو جاتے ہیں یہ بے وقعت
ظلمت شب میں مگر رنگ جماتے ہیں چراغ
یاد کرتا ہوں میں اس رشک قمر کو ایسے
جس طرح لوگ اندھیرے میں جلاتے ہیں چراغ
ڈر کے تاریکی سے جو ترک سفر کرتا ہے
حوصلہ ایسے مسافر کا بڑھاتے ہیں چراغ
چین سے بیٹھنا لوگوں کو کہاں آتا ہے
خود نہیں رکھتے تو اوروں کے بجھاتے ہیں چراغ
درس دیتے ہیں محبت کا زماںؔ کو اکثر
لوگ نادان ہیں سورج کو دکھاتے ہیں چراغ
شارق
