تیری معصومیت سے جان جاں مجھ کو محبت ہے(گیت حصہ اول)

لڑکا
۔۔۔۔۔۔۔۔۔۔۔۔

تری معصومیت سے جان جاں مجھ کو محبت ہے
تجھے پالوں ہمیشہ کے لیے دل میں یہ حسرت ہے

ترے بن ایک بھی پل کاٹنا دشوار ہوتا ہے
تڑپتے ہیں وہی جن کو کسی سے پیار ہوتا ہے

محبت ہی تو اس دنیا میں ہر انساں کی فطرت ہے
تجھے پا لوں ہمیشہ کے لیے دل میں یہ حسرت ہے

تری یہ سادگی آنکھوں کو بھاتی ہے مری محبوب !
تری ہر اک ادا دل کو لبھاتی ہے مری محبوب!

شریک زندگی بن جا مجھے تیری ضرورت ہے
تجھے پالوں ہمیشہ کے لیے دل میں یہ حسرت ہے

تری معصومیت سے جان جاں مجھ کو محبت ہے
تجھے پالوں ہمیشہ کے لیے دل میں یہ حسرت ہے