متاعِ زیست مگر ،جب سے تیرے نام کی ہے

 متاعِ زیست مگر ،جب سے تیرے نام کی ہے
خیالِ صبح ہے دل کو ، نہ فکر شام کی ہے

کبھی کبھی کا ہو قصہ تو چوٹ لگتی ہے
ترا نگاہ بدلنا ، تو بات عام سی ہے

ہمی نہیں ہیں تمنائی تیرے ، شہر کا شہر
اسیرِ گیسوئے پیچاں ھے اور غلام بھی ہے

وہ لوگ جن کا نصیب ، عمر بھر کی تنہائی
انہی کے دم سے ترے کوچے میں اژدہام بھی ہے

سو ، بار ھا یہی دیکھا ہے جب بھی رُت آئی
نصیب غیر کو قربت ھے ، ہمکو جام ہی ہے

عنایت آپ کی ہم پر نہیں تو اس کا سبب
ہماری خواہشِ نوخیز ، عشقِ خام ہی ہے