مگر ایسا نہیں ہوتا

تمہیں ایسا کیوں لگتا ہے
کہ جیون میں کسی
لمحے کسی بھی پل
میں یہ تم سے کہوں گی کہ
مجھے تیری ضرورت ہے
مجھے تیری ضرورت ہے
یہ سچ ہے کہ محبت میں
جسے ہم چاہتے ہیں
پوجتے ہیں پیار کرتے ہیں
کٹھن لمحوں میں ہر اک پل
اسی کو سو چتے ہیں بس
اسی کو یاد کرتے ہیں
کہ وہ ہوتا تو شاید
اپنی بانہوں میں چھپا لیتا
ہمیں اس سرد موسم کے
حوادث سے بچا لیتا
مگر اسا نہیں ہوتا
یہ سب احساس ہوتا ہے
محبت کرنے والوں کا
جو دل کے پاس ہوتا ہے
اسی کو سوچتے ہیں بس
مگر ایسا نہیں ہوتا
اگر ایسا ہی ہو جائے
تو موسم کی کوئی سختی
کوئی حالات کی گرمی
مجھے پھر چھو نہیں پائے
مگر ایسا نہیں ہوتا
مگر ایسا نہیں ہوتا
یہ بس احساس ہوتا ہے