میری جاناں

میرے سب لفظ تیرے ہیں
میری جانم
تیری خاطر
محبت کے نامے لکھے جاؤں گا
بس ایک تیری خوشی کی خاطر نظمیں لکھے جاٗوں گا
مسرت کے لیے تیری میں غزلیں لکھے جاؤں گا
تجھے لفظوں کا تحفہ بھیجوں گا
سکوں، راحت، محبت، چین اور آسودگی
لے کر
میرے یہ لفظ
تجھ تک آجائیں گے
کبھی سایہ بنیں گے یہ
کبھی تنہائی میں ساتھی تیرے ہوں گے
کبھی چاہت کی خوشبو سے تجھے مہکائے جائیں گے
میں اپنے لفظوں سے تجھ کو
سکوں دوں
چین دوں
آرام دوں
جاناں
یہی ہے آرزو میری
یہی بس میری خواہش ہے