میرے محبوب کبھی آؤ ذرا رات ڈھلے

.کیسے گونجی ہے مرے دل کی صدا دیکھ تو لو
میں نے مانگی ہے کیا رب سے دعا دیکھ تو لو

میرے محبوب کبھی آؤ ذرا رات ڈھلے
کیسے جلتا ہے مرے دل کا دیا دیکھ تو لو

خون آنکھوں سے یہ بہتا ہے کبھی دل سے مرے
کتنی دل سوز ہے ہجرت کی سزا دیکھ تو لو

موسمِ گل کی ہواؤں سے ہے یہ عرض مری
میری حالت نہ بکھر جائے ذرا دیکھ تو لو

صبح کی آنکھ سے نکلا ہے سمندر کیسے
میرے احساس پہ برسی جو گھٹا دیکھ تو لو

جان دیتے تھے سدا ہم تو وفا کی خاطر
وشمہ اس بار جو کی اس نے جفا دیکھ تو لو