ھمارے قصے ، ھماری باتیں ، جو یاد آئیں تو رو نہ دینا

ھمارے قصے ، ھماری باتیں ، جو یاد آئیں تو رو نہ دینا
اداس لمحے ، اجاڑ راتیں ، اگر ستائیں تو رو نہ دینا

باغباں سے نظر بچا کے بھاگنا تتلیوں کے پیچھے
بچپنے کی حسین یادیں ، اگر رلائیں تو رو نہ دینا

افق کی آنکھیں بھی سرمگیں ھوں، ھوا بھی برکھا کی چل رہی ھو
کلائیوں میں امید گجرے جو سوکھ جائیں تو رو نہ دینا

بارشوں میں بھیگے لمحے ہمارے سنگ جو گذارے جاناں
وہ خواب لمحے ، عذاب لمحے ، جو جی جلائیں تو رو نہ دینا

زخم سینے کی دے رہے تھے ، صداؤں پر جو صدائیں جاناں
چاک داماں کی دھجیاں وہ اگر اڑائیں تو رو نہ دینا

قمر پگلے تو جن کے وعدے پہ سر راہے کھڑا ھوا ھے
تیرے یقیں کا وہ خوں بہائیں اگر نہ آئیں تو رو نہ دینا