ہم کو ہر پل ہی آزماؤ تم

کاوش 3 دیا جیم مشاعرہ
۔۔۔۔۔۔۔۔
ہم کو ہر پل ہی آزماؤ تم
دل لگی میں بھی مسکراؤ تم

جس نے رکھی ہے آبرو جگ میں
اس کو نظروں سے مت گراؤ تم

اور بڑھتی ہے روشنی مجھ میں
آگ دل میں اگر لگاؤ تم

تم نے نفرت کی انتہا کر دی
اب محبت نہ آزماؤ تم

پیاس آنگن میں بڑھ رہی ہے مرے
اپنی آنکھوں سے کچھ پلاؤ تم

عشق ڈستا ہے رات دن مجھ کو
درد زخموں پہ مت لگاؤ تم

مجھ کو مارا ہے چبھتے فقروں سے
کاش کچھ پل ہی مان جاؤ تم

دھوپ چبھنے لگی ہے وشمہ جی
اپنی دنیا میں لوٹ جاؤ تم