ہنجواں دے نال بھریاں اکھاں

ہنجواں دے نال بھریاں اکھاں
لگدا اے سپنے ہریاں اکھاں

لالی چیخاں مار کے دسدی
نینداں نال نے لڑیاں اکھاں

میں اتبار دا جرم اے کیتا
سولی تاہیوں چڑھیاں اکھاں

تیری اکھ وچ وسدے ہاسے
اونج تاں چلیے بڑیاں اکھاں

جہیڑے راہ تُوں چھڈ کے ٹر گئی
اج وی اوہتے کھڑیاں اکھاں

پیار دا پانبڑ سیکیا ہونا
یار ایویں نئیں سڑیاں اکھاں

نہال گِلاں دا اوس تے مر کے
آخر دکھ وچ مریاں اکھاں