Bhula Dena

Main Ab Tak Ye Samajhta Tha K Tujhko Bhool Jaaunga
Magar Matlab Bhulanay Main Ab Tak Jaan Na Paya

Bichhartay Us Nay Keh Dia Tha Khatam Ab Qissa
Magar Is Baat Ko Ab Tak Mera Dil Maan Na Paya

Main Jisko Sochta Rehta Tha Khwabo Or Khayalo Main
Usi K Dil Main Apni Yaad Ka Samaan Na Paya

Bhulaanay Main Jisay Main Nay Zamanay Rond Daalay Thay
Bichhar Kar Jab Mila Mujhko To Wo Pehchan Na Paya

Muhabbat Main Jo Ruswai Mili Wo Bas Mili Mujko
Or Ik Wo Tha K Us Par Koi Bhi Ilzam Na Paya

Anis Us Shakhs K Andar Ka Aalam Koi Kya Jaanay
Jo Raha Tishna Kabi Dilbar K Hathon Jaam Na Paya