Dil Ka Darya

Dil Ke Darya Mein Utar K Dekho
Tum Mohabbat Mujh Se Kar K Dekho

Phir Tumhe Meri Talab Ho Shayad
Tum Kabhi Mujh Se Bichharr K Dekho

Ishq Ka Saagar Boha Hai Gehra
Doob Kar Khud Bhi Ubhar K Dekho

Duniya Phir Lagne Lage Gi Dilkash
Is Ko Tum Meri Nazar Se Dekho

Mera Gham Mehsoos Karna Ho To
Meri Raahon Se Guzar K Dekho

Kya Asar Hota Hai Be-Rukhi Ka
Meri Chaahat Se Mukar K Dekho