Koi Pegham Hi Likhdo

Ye Dil Udaas Hai Bohat Koi Pegham Hi Likhdo
Tum Apna Nam Na Likho Gum Nam Hi Likhdo

Meri Qismat Main Gham-E-Tanhai Hai Lekin
Tamam Umar Na Likho Magar Ek Sham Hi Likhdo

Zarori To Nahi Mil Jaye Sukoon Har Kisi Ko
Sar-E-Bazm Na Aao Magar Be Nam Hi Likhdo

Ye Janta Hon K Umar Bhar Tanha Mujhko Rehna Hai
Magar Pal Do Pal Ghari Do Ghari Mere Nam Hi Likhdo

Chalo Ham Man Lete Hain Saza K Mustahiq Thehray
Koi Inaam Na Likho Koi Ilzaam Hi Lihkdo