Tum Ne Poocha Hi Nahen Keh Youn Kidhar Jata Hoon Main.By Saleem Sarmad

Tum Ne Poocha Hi Nahen Keh Youn Kidhar Jata Hoon Main
Dhondhta Hoon Rouz Khud Ko Phir Bikhar Jata Hoon Main

Dekhnay Walay Samjhtay Hen Keh Main La Dard Hoon
Dard Ki Shiddat Men Kuch Ziada Nikhar Jata Hoon Main

Pooch Li Gar Tu Ne Meri Zindagi Ki Dastaa'n
Youn Guzarti Hae Keh Hasti Se Guzar Jata Hoon Main

Roz Ji Uthta Hoon Paon Rakh Ke Apni Laash Per
Rouz Larta Hoon Main Khud Se Aor Mar Jata Hoon Main

Muflisi Pechay Pari Hae Zindigi Ke Es Tarah
Hasratoon Ke Qaid Khanay Men Utar Jata Hoon Main

Meri Muhabbbat Se Kia Inkar Us Ne Aaj Youn
"Youn Hi Khata Hoon Qasam Youn Hi Mukar Jata Hoon Main"

Youn Huwa Barbad Sarmad Main Muhabbat Ke Tufail
Ab To Aksar Apnay Sa'ae Se Bhi Dar Jata Hoon Main