اِس قدر مجھ کو رُلاتے کیوں ہو

اِس قدر مجھ کو رُلاتے۔۔۔۔۔ کیوں ہو
جانِ من اتنا ستاتے۔۔۔۔۔۔ کیوں ہو

تم میرے خانہءِدل میں۔۔۔۔ ۔آکر
اپنی تصویر سجاتے ۔۔۔۔۔۔۔کیوں ہو

زندگی بھر یہیں رہنا ہے۔۔۔ ۔تمہیں
دل میرا توڑ کے جاتے ۔۔۔۔کیوں ہو

عمر بھرساتھ نِبھاناہے۔۔۔۔ ۔ہمیں
اِس طرح چھوڑ کے جاتے۔۔ کیوں ہو

جب نہیں کوئی تعّلق۔۔۔۔ مجھ سے
تم میرے خواب میں آتے ۔کیوں ہو

ہم تو ہیں نیند کے مارے ہؤے لوگ
تم ہمیں خواب دِکھاتے۔۔۔کیوں ہو

گرنہیں چارہ گری کی۔۔۔۔۔۔ اُمیّد
حالِ دل اُن کو سناتے۔۔۔۔ کیوں ہو

اِس سے ہوتی ندامت۔۔۔۔۔ اُن کو
وعدہ بھی یاد دلاتے ۔۔۔۔۔کیوں ہو

اُن کے دیکھے سے بھڑک اُٹھیں گے
داغ سینے کے دِکھاتے ۔۔۔کیوں ہو

جب کہ ہے غیر سے اُلفت۔۔ اُن کو
تم اُنہیں اپنا بناتے۔۔۔۔۔ کیوں ہو

ہم کسی اور کو دیکھیں۔۔۔۔ کیونکر
ساقیا اتنی پلاتے ۔۔۔۔۔۔کیوں ہو

ہم نے مانا کہ ہیں۔۔۔ گہری چوٹیں
اِس قدر شور مچاتے۔۔۔۔ کیوں ہو

جب کہ ہے خوف تمہارے دل میں
کشتیاں اپنی جلاتے۔۔۔۔ کیوں ہو

لوگ ویسے بھی تو۔۔ مر جاتے ہیں
عشق سے اتنا ڈراتے ۔۔۔کیوں ہو

تونے کیاعشق کیا ہے۔۔۔۔۔ ساقی
پھر ہمیں خوف دلاتے۔۔ کیوں ہو

گر نہیں جھوٹ تو اے ۔۔جانِ وفا
بات کو اتنا گھُماتے۔۔۔۔ کیوں ہو

گر یہی عشق کا حاصل ہے ۔۔وسیم
خاک میں مجھ کو ملاتے۔۔ کیوں ہو