تیرے چہرے کی دمک یاد آئی

تیرے چہرے کی ۔۔۔۔دمک یاد آئی
کتنی یادوں کی۔۔۔۔۔ دھنک یاد آئی

یاد آئی تیرے ماتھے کی۔۔۔۔ کرن
روشنی تابہ۔۔۔۔۔۔۔۔ فلک یاد آئی

یاد آئے تیرے عارض کے ۔گلاب
مجھ کو شعلوں کی ۔۔۔۔لپک یاد آئی

برگِ گل سے تیرے لب یاد آئے
لب پہ لالی کی ۔۔۔۔۔شفق یاد آئی

اَپنی قسمت کو اُلٹتے ۔۔۔۔۔۔دیکھا
تیری پلکوں کی ۔۔۔جھپک یاد آئی

جب دبے پاؤں چلی ۔۔۔۔بادِ صبا
تیری زُلفُوں کی۔۔۔ مہک یاد آئی

جب سرِ شام ستارے ۔۔۔۔نکلے
تیری آنکھوں کی۔۔ چمک یاد آئی

چاند جب ہم نے اُبھرتے۔ دیکھا
پھر تیری ایک۔۔۔ جھلک یاد آئی

جب بھی لکھا ہےقصیدہ ۔۔تیرا
ناگہاں ایک ۔۔۔۔کسک یاد آئی

ذکر جب اُس نے وفا کا ۔۔چھیڑا
آہ اِک دیر۔۔۔۔۔ تلک یاد آئی

جام ٹکرائے جو محفل میں وؔسیم
اُس کے لہجے کی۔۔ کھنک یاد آئی