جد وی اوہداں فون سی آندا
Poet: NEHAL INAYAT GILL By: NEHAL, Gujranwalaجد وی اوہداں فون سی آندا
کہندی میرا دل گھبراندا
عشق کلنڈر غور نال تکیاں
وصل دا کوئی دن نہیں لبھیاں
اُتوں ہجر دا دور ستاندا
جد وی اوہداں فون سی آندا
کہندی میرا دل گھبراندا
گھر دے پڑ کے عزت دی آری
کہندے مینوں توڑ دے یاری
بابل واسطہ پگ دا پاندا
جد وی اوہداں فون سی آندا
کہندی میرا دل گھبراندا
عشق دے راہ توں نکھر جاوانگے
لگدا دوے وچھڑ جاوانگے
ملیئے اِسیں کوئی نہیں چاندا
جد وی اوہداں فون سی آندا
کہندی میرا دل گھبراندا
اِک گل وچ سو سسکیاں لیندی
ناں لیکے میرا رو ہی پیندی
حوصلہ میرا ٹٹدا جاندا
جد وی اوہداں فون سی آندا
کہندی میرا دل گھبراندا
کہندی ہجر دا زہر نہیں پینا
نہالؔ ترے توں وکھ نہیں جینا
عشق کیوں عاشقاں نوں آزماندا
جد وی اوہداں فون سی آندا
کہندی میرا دل گھبراندا
Rate it: 
Views: 285
04 Jul, 2015
More Love / Romantic Poetry
