دل کی آواز سنائیں کبھی موقعہ جو ملے

دل کی آواز سنائیں کبھی موقعہ جو ملے
اپنی ہر بات بتائیں کبھی موقعہ جو ملے

وہ نغمہ پرکیف جو خود کو سناتے ہیں
ہم ان کو بھی سنائیں کبھی موقعہ جو ملے

کسی کے ہو کے جو کسی کے ہو نہیں پاتے
ان کے حالات بتائیں کبھی موقعہ جو ملے

نظروں سے بچا کر جو دل میں دبائے ہیں
اپنے جذبات دکھائیں کبھی موقعہ جو ملے

تیری نظر عنایت نے جو میری ذات پہ کیا
وہی احسان جتائیں کبھی موقعہ جو ملے

میری پلکوں نے جو آنکھوں میں چھپا رکھے ہیں
تمہیں وہ خواب دکھائیں کبھی موقعہ جو ملے

وہ جس جگہ خیالوں میں مکین رہتے ہیں
اسی جگہ چلے جائیں کبھی موقعہ جو ملے

عظمٰی اک بار سہی وہ دیار روح پرور
ہم بھی دیکھ کر آئیں کبھی موقعہ جو ملے