مجھے کتنی محبت ہے مجھے کتنی عقیدت ہے مجھے کتنی ضرورت ہے...!!!

اسے کیسے میں لکھوں گی میں
میں بےبس ہوں
کہاں سے لفظ وہ لاؤں
جو دل کا حال کہہ پائیں
میں ایسے لفظ ڈھونڈوں گی
جنہیں لکھوں تو کاغذ پر دئیے سے جگمگا اٹھیں
جنہیں سوچوں تو ذہن و دل کا ہر گوشہ مہک جائے
جنہیں ہونٹوں پہ لاؤں تو " دُعــا " کے
پھول کھل جائیں
کہیں سے لفظ مل جائیں
دھنک اوڑھے ہوئے
کچھہ لفظ مجھہ کو ڈھونڈنے ہوں گے
کہ جن سے نظم لکھنی ہے
اسے سب کچھہ بتانا ہے
مجھے کتنی محبت ہے مجھے کتنی عقیدت ہے
مجھے کتنی ضرورت ہے