Add Poetry

مرے دشمنوں کی نہ بات کر مجھے دوستوں کی تلاش ہے

Poet: syed aqeel shah By: syed aqeel shah poetry, sargodha

مرے دشمنوں کی نہ بات کر مجھے دوستوں کی تلاش ہے
وہ جو راستے ہیں وفاؤں کے اُنہیں راستوں کی تلاش ہے

مجھے نفرتوں کے عذاب سے کوئی ہو جو آ کے بچا سکے
جو دل سے روح میں سما سکیں اُنہیں چاہتوں کی تلاش ہے

میں یہ چاہتا ہی نہیں مجھے وہی لوگ پھر سے ملیں کہیں
پس ِآرزو جو گزر گئیں اُنہیں ساعتوں کی تلاش ہے

جو ملوں تو مجھے جدا نہ ہو جو بچھڑ چلوں تو ہو منتظر
مجھے چاہتوں میں یوں ہر گھڑی اِنہی شدتوں کی تلاش ہے

میں بھٹک رہا ہوں خواہشوں کے سراب میں کہیں جا بجا
جو مرے گناہوں کو دھو سکیں اُنہیں واسطوں کی تلاش ہے

بھلا کون ہو مرا ہم سفر مرے ساتھ کوئی چلے تو کیا
مجھے رستوں میں ذرا ذرا سے ہی آسروں کی تلاش ہے

ہے عجیب میرا بھی فلسفہ مجھے محفلوں سے بھی دُور عقیل
کہیں جنگلوں کی ہے جستجو کہیں وحشتوں کی تلاش ہے

Rate it:
Views: 426
22 May, 2013
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets