Add Poetry

مَظلُوم پہ جو ظُلم رَوا ہونے لگا ہے

Poet: مرید باقر انصاری By: مرید باقر انصاری, Karachi

مَظلُوم پہ جو ظُلم رَوا ہونے لگا ہے
ہر شخص ہی لگتا ہے خُدا ہونے لگا ہے

اِنسان ہی اِنسان کی ہے جان کا دُشمن
مولٰی تِری دُنیا میں یہ کیا ہونے لگا ہے

مُمکِن ہے بَرَس جاۓ یہ اسمان بھی گُونگا
مَظلُوم جو پھانسی کی سزا ہونے لگا ہے

آثار قیامت کے نَظَر آنے لگے ہیں
اِنسان جو اِنساں کا خُدا ہونے لگا ہے

پِهر آج ضرورت ہے حُسین اِبنِ علیؓ کی
اِنسان پہ پِهر ظُلم بڑا ہونے لگا ہے

مولٰی مُجھے ہمت دے کہیں ٹُوٹ نہ جاؤں
لگتا ہے وہ اب مُجھ سے جُدا ہونے لگا ہے

سِینے سے مِرے تُو اے غَمِ یار نکل جا
دِل قیدِ محبت سے رِہا ہونے لگا ہے

حیران ہوں باقرؔ تُو جو تھا ضَبط کا پیکر
محبُوب کا کیوں تُجھ سے گِلہ ہونے لگا ہے

Rate it:
Views: 274
12 Feb, 2016
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets