میں مٹھی کیوں کھولوں
Poet: By: maqsood hasni, kasurمیں مٹھی کیوں کھولوں
بند مٹھی میں کیا ہے
کوئ کیا جانے
مٹھی کھولوں تو
تم مرے کب رہ پاؤ گے
ہر سیٹھ کی سیٹھی
اس کی گھتلی کے دم سے ہے
میں مٹھی کیوں کھولوں
تری یاد کی خوشبو
مری ہے مری ہے
اس یاد کے باطن میں
ترے ہونٹوں پر کھلتی کلیاں
تری آنکھوں کی مسکانیں
بھیگی سانسوں کی مہکیں
جھوٹے بہلاوے
کچھ بے موسم وعدے
ساتھ نبھانے کی قسمیں
دکھ کے نوحے
شراب سپنوں کی قوس و قزاح
مری ہے مری ہے
میں مٹھی کیوں کھولوں
Rate it: 
Views: 357
24 Nov, 2013
More Love / Romantic Poetry
