یوں لگ رہا ہے مجھے تم سے پیار ہونے لگا (دوگانا)
Poet: Dr.Zahid Sheikh By: Dr.Zahid Sheikh, Lahore Pakistanلڑکا
۔۔۔۔۔۔۔۔۔۔۔۔
ہوا بہار کی دل بے قرار ہونے لگا
یوں لگ رہا ہے مجھے تم سے پیار ہونے لگا
ہر ایک سمت مسرت ہے، شادمانی ہے
حسین آج بہت میری زندگانی ہے
جو مسکرا کے نظر تم نے مجھ پہ ڈالی ہے
تمھاری مجھ پہ عنایت ہے ،مہربانی ہے
تمھارا شام و سحر انتظار ہونے لگا
یوں لگ رہا ہے مجھے تم سے پیار ہونے لگا
لڑکی
۔۔۔۔۔۔۔۔۔۔۔۔۔۔
نجانے کس کے لیے بے قرار ہونے لگا
یوں لگ رہا ہے مرے دل کو پیار ہونے لگا
بہار یوں تو ہمیشہ چمن میں آئی تھی
مگر کلی نہ کبھی دل کی مسکرائی تھی
اداسیاں تھیں مری صبحوں ، میری شاموں میں
یوں زندگی مری پہلے نہ گنگنائی تھی
کسی کا آج مجھے انتظار ہونے لگا
یوں لگ رہا ہے مرے دل کو پیار ہونے لگا
لڑکا
۔۔۔۔۔۔۔۔۔
ہوا بہار کی دل بے قرار ہونے لگا
یوں لگ رہا ہے مجھے تم سے پیار ہونے لگا
لڑکی
۔۔۔۔۔۔۔۔۔۔۔۔۔۔۔
نجانے کس کے لیے بے قرار ہونے لگا
یوں لگ رہا ہے مرے دل کو پیار ہونے لگا
میرے دل کو ہر لمحہ تیرے ہونے کا خیال آتا ہے
تیری خوشبو سے مہک جاتا ہے ہر خواب میرا
رات کے بعد بھی ایک سہنا خواب سا حال آتا ہے
میں نے چھوا جو تیرے ہاتھ کو دھیرے سے کبھی
ساری دنیا سے الگ تلگ جدا سا ایک کمال آتا ہے
تو جو دیکھے تو ٹھہر جائے زمانہ جیسے
تیری آنکھوں میں عجب سا یہ جلال آتا ہے
میرے ہونٹوں پہ فقط نام تمہارا ہی رہے
دل کے آنگن میں یہی ایک سوال آتا ہے
کہہ رہا ہے یہ محبت سے دھڑکتا ہوا دل
تجھ سے جینا ہی مسعود کو کمال آتا ہے
یہ خوف دِل کے اَندھیروں میں ہی رہتا ہے
یہ دِل عذابِ زمانہ سہے تو سہتا ہے
ہر ایک زَخم مگر خاموشی سے رہتا ہے
میں اَپنی ذات سے اَکثر سوال کرتا ہوں
جو جُرم تھا وہ مِری خامشی میں رہتا ہے
یہ دِل شکستہ کئی موسموں سے تَنہا ہے
تِرا خیال سدا ساتھ ساتھ رہتا ہے
کبھی سکوت ہی آواز بن کے بول اُٹھے
یہ شور بھی دلِ تنہا میں ہی رہتا ہے
یہ دِل زمانے کے ہاتھوں بہت پگھلتا ہے
مگر یہ درد بھی سینے میں ہی رہتا ہے
ہزار زَخم سہے، مُسکرا کے جینے کا
یہ حوصلہ بھی عجب آدمی میں رہتا ہے
مظہرؔ یہ درد کی دولت ہے بس یہی حاصل
جو دِل کے ساتھ رہے، دِل کے ساتھ رہتا ہے
