چیف الیکشن کمشنر کی تعیناتی پر آئینی بحران کا خدشہ نہیں، صادق سنجرانی

اسلام آباد: چیئرمین سینیٹ صادق سنجرانی نے کہا ہے کہ چیف الیکشن کمشنر اوراراکین کی تعیناتی کا معاملہ جلد حل ہوجائے گا۔

ہم نیوز کے مطابق انہوں نے اپنے بیان میں دعویٰ کیا کہ چیف الیکشن کمشنر اور اراکین کی تعیناتی پر کسی بھی قسم کے آئینی بحران کا کوئی خطرہ نہیں ہے۔

چیئرمین سینیٹ صادق سنجرانی نے کہا کہ پارلیمنٹ کی بالادستی کو یقینی بنانا سب کی مشترکہ ذمہ داری ہے۔ انہوں نے واضح کیا کہ اسلام آباد ہائی کورٹ کے احکامات پر کام کررہے ہیں۔

چیف الیکشن کمشنر کی تعیناتی یقینی بنانے کے لیے اپوزیشن نے سپریم کورٹ آف پاکستان میں باقاعدہ درزخواست کررکھی ہے جب کہ پی پی پی کے مرکزی رہنما قمرالزماں کائرہ نے دو دن قبل ایک پریس کانفرنس سے خطاب کرتے ہوئے تسلیم کیا تھا کہ چیف الیکشن کمشنر کی تعیناتی کے لیے اپوزیشن کا سپریم کورٹ میں جانا بہتر فیصلہ نہیں ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.