ایوارڈ ملنے پر بہت زیادہ خوشی محسوس کررہا ہوں، افتخار عارف

کراچی: ممتاز شاعر افتخار عارف نے کہا ہے کہ زندگی میں بہت سے ایوارڈز اور اعزازات ملے ہیں لیکن ادب کی سب سے بڑی تنظیم کی جانب سے ملنے والے اس ایوارڈ پہ بہت زیادہ خوشی محسوس کررہا ہوں۔

ہم نیوز کے مطابق انہوں نے یہ بات آرٹس کونسل کراچی میں منعقدہ 12 ویں عالمی اردو کانفرنس کے موقع پر دیے جانے والے ایوارڈ کو وصول کرنے کے بعد مختصر خطاب میں کہی۔

عالمی اردو کانفرنس میں تین اہم تخلیق کاروں کو لائف ٹائم ایچویمنٹ ایورڈز دیا گیا۔ ایوارڈز کے ساتھ چار لاکھ روپے نقد انعامی رقم دی گئی۔

ہم نیوز کے مطابق جن قد آور شخصیات کو ایوارڈز سے نوازا گیا ان میں معروف قلمکار امر جلیل، تخلیق کار اسد محمد خان اور معروف شاعر افتخار عارف شامل ہیں۔

12 عالمی اردو کانفرنس میں لائف ٹائم ایچویمنٹ ایوارڈ ملنے پر امر جلیل اور اسد محمد خان نے آرٹس کونسل کراچی کا شکریہ ادا کیا۔ ایوارڈز دیے جانے کے ساتھ ہی چار روزہ کانفرنس اختتام پذیر ہوگئی۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.