واٹس ایپ پر لامحدود اسٹوریج کاآپشن ختم کرنے کی تیاری

image

فوٹو: اے ایف پی

سوشل میڈیا کی مقبول ایپلی کیشن واٹس ایپ نے گوگل ڈرائیو اور آئی کلاؤڈ میں بیک اَپ کے لامحدود اسٹوریج کے آپشن کو ختم کرنے کی تیاری شروع کر دی۔

فیس بک کے اعلان کے مطابق لامحدود اسٹوریج ختم کرنے کا آپشن اینڈروئیڈ اور آئی او ایس دونوں کے لیے ہے۔ اس فیچر کا نام ’’مینج بیک اَپ سائز‘‘ رکھا جائے گا جوکہ آہستہ آہستہ آگے بڑھے گا۔

اینڈروئیڈ استعمال کرنے والے صارفین واٹس ایپ بیک اَپ کو گوگل ڈرائیو جبکہ آئی فون کے صارفین آئی کلاؤڈ میں محفوظ کرتے ہیں۔

واٹس ایپ بیٹا انفو کی ایک رپورٹ کے مطابق لامحدود اسٹوریج آپشن کو ختم کرکے صارفین کو گوگل ڈرائیو میں 2ہزار ایم بی تک آپشن دیا جا سکتا ہے۔

صارفین اب اپنے واٹس ایپ کلاؤڈ بیک اپ کو پاس ورڈ یا 64 ہندسوں کی ’’انکرپشن کی‘‘ سے محفوظ کر سکتے ہیں۔ اس کا مطلب کوئی اور آپ کے بیک اَپ تک رسائی حاصل نہیں کر سکے گا۔

واضح رہے کہ اینڈروئیڈ صارفین کے لیے گوگل ڈرائیو میں واٹس ایپ چیٹ بیک اَپ محفوظ کرنے کا طریقہ سب سے آسان اور موثر طریقہ سمجھا جاتا ہے۔

استعمال کا طریقہ

سب سے پہلے واٹس ایپ کی سیٹنگ میں جا کر ’’چیٹ‘‘ اور پھر ’’چیٹ بیک اَپ‘‘ کے آپشن پر جاکر اینڈ ٹو اینڈ انکرپٹڈ بیک اَپ پر جانا ہوگا۔ اسکے بعد جاری رکھنے کے بٹن کا انتخاب کرکے پاسورڈ ڈالا جائے گا۔


News Source   News Source Text

WATCH LIVE NEWS

مزید خبریں
سائنس اور ٹیکنالوجی
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.