کرن جوہر نے کنگنا کو اپنی فلم کے پوسٹر سے نکال دیا

image
ہدایت کار کرن جوہر نے اداکارہ کنگنا رناوت کو اپنی کامیاب فلم ’انگلی‘ کے پوسٹر سے نکال دیا۔

بالی ووڈ ادکارہ کنگنا رناوت اپنے متنازع بیانات کی وجہ سے ہر وقت خبروں کی زینت بنی رہتی ہیں اور وہ اکثر فلمی شخصیات کو بھی تنقید کا نشانہ بناتی رہتی ہیں ، خاص طور پر ہدایت کار کرن جوہر ان کے نشانے پر رہتے ہیں جب کہ اداکارہ متعدد بار کرن پر انڈسٹری میں اقرباپروری کو پروان چڑھانے کا الزام عائد کرچکی ہیں۔

یہ خبر کسی سے پوشیدہ نہیں کہ ہدایت کار کرن جوہر اور اداکارہ کنگنا رناوت کی نہیں بنتی اور دونوں ہی ایک دوسرے کو نیچا دکھانے کا کوئی موقع بھی ہاتھ سے جانے نہیں دیتے۔

چند روز قبل کرن جوہر کی دھرما پروڈکشن کی جانب سے اپنی پرانی فلم ’انگلی‘ کے 7 سال مکمل ہونے پر فلم کا پوسٹر جاری کیا گیا جس میں سنجے دت، عمران ہاشمی، رندیب ہوڈا ، انگت بیدی اور نیل بھوپلام تو دکھائی دے رہے ہیں لیکن فلم میں مرکزی کردار ادا کرنے والی اداکارہ کنگنا رناوت موجود نہیں ہیں۔

“Unko pakadne ke liye pehle unke soch ko pakadna hoga” 🔥

_________#7YearsOfUngli @karanjohar @apoorvamehta18 @RensilDSilva pic.twitter.com/h7HotnXXOs

— Dharma Productions (@DharmaMovies) November 28, 2021

ٹوئٹ کے کیپشن میں فلم کا ڈائیلاگ لکھا گیا ’’ان کو پکڑنے کے لیے ان کی سوچ کو پکڑنا ہوگا‘‘۔

کرن جوہر کی اس پوسٹ پر سوشل میڈیا صارفین کی جانب سے دلچسپ کمنٹ کیے گئے، کسی نے کنگنا رناوت کو پوسٹر سے نکالے جانے پر خوشی کا اظہار کیا تو کسی نے اسے کرن جوہر کا چھوٹا پن قرار دیا۔

واضح رہے کرن جوہر کی پروڈکشن میں بننے والی فلم ’انگلی‘ 2014 میں ریلیز کی گئی تھی جس میں عمران ہاشمی اور کنگنا رناوت نے مرکزی کردار ادا کیا تھا۔

Square Adsence 300X250

News Source   News Source Text

WATCH LIVE NEWS

مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.