روپے کی قدر میں کمی سے دیامر بھاشا ڈیم کی لاگت میں 31 فیصد اضافے کا انکشاف

image

ڈالر کے مقابلے میں روپے کی قدر میں کمی سے دیامر بھاشا ڈیم کی لاگت میں 31 فیصد اضافے کا انکشاف ہوا ہے۔

پارلیمنٹ ہاؤس اسلام آباد میں قومی اسمبلی کی قائمہ کمیٹی برائے منصوبہ بندی کا اجلاس ہوا جس میں واپڈا حکام نے دیامر بھاشا ڈیم کی تعمیر کے حوالے سے ارکان کو آگاہ کیا گیا۔

واپڈا حکام کی جانب سے کمیٹی کو بتایا گیا کہ روپے کی قدرمیں کمی سے دیامر بھاشا ڈیم کی لاگت میں 31 فیصد اضافہ ہوگیا ہے۔

Advertisement کمیٹی کو بتایا گیا کہ دیامر بھاشا ڈیم کا جب پی سی ون بنایا گیا تھا ڈالر 105 روپے کا تھا، جب پہلا پی سی ون بنایا گیا تو کنٹریکٹ کی قیمت 336 ارب روپے تھی لیکن اب دیامر بھاشا ڈیم کی تعمیر کا کنٹریکٹ ایوارڈ 442 ارب روپے کا کیا گیا ہے، مارچ میں دیامر بھاشا ڈیم کا نظر ثانی شدہ پی سی ون بنایا جائے گا۔

مزید پڑھیے: دیامر بھاشا ڈیم فنڈ کی تفصیلات قومی اسمبلی میں پیش

دیامر بھاشا ڈیم منصوبہ

دیامیر بھاشا ڈیم پاکستان کا سب سے بڑا ڈیم ہوگا، یہ ڈیم گلگت بلتستان اور خیبر پختوںخوا کے سرحدی علاقے بھاشا میں تعمیر کیا جارہا ہے۔

دریائے سندھ پر تعمیر کئے جانے والے اس ڈیم کی بلندی 272 میٹر ہو گی اور اس میں 81 لاکھ ایکڑ فٹ پانی جمع کیا جاسکے گا۔

دیامر بھاشا ڈیم سے ناصرف پاکستان کی لاکھوں ایکڑ زمین سیراب ہوگی بلکہ 4 ہزار 500 میگا واٹ سستی بجلی بھی پیدا ہوسکے گی۔

مزید پڑھیے: دیامر بھاشا ڈیم پروجیکٹ پر تاریخی پیشرفت خوش آئند ہے

ڈیم کی تعمیر کا ٹھیکہ فرنٹیئر ورکس آرگنائزیشن(ایف ڈبلیو او) اور چین کی حکومتی کمپنی پاور چائنا کو دیا گیا ہے۔

منصوبے کی راہ میں رکاوٹیں

بھارت کئی دہائیوں سے گلگت بلتستان پر اپنا جھوٹا دعویٰ جتلاتا ہے جس کی وجہ سے اس ڈیم کی تعمیر کے لیے عالمی ادارے سرمایہ کاری سے کتراتے ہیں۔

2018 میں اس وقت کے چیف جسٹس ثاقب نثار نے حکومت پاکستان کو دیامیر بھاشا ڈیم سمیت دیگر منصوبے فی الفور شروع کرنے کا حکم دیا تھا۔

سپریم کورٹ نے دیامر بھاشا ڈیم کی تعمیر کے لیے فنڈ اکٹھا کرنے کے لئے خصوصی مہم بھی شروع کی تھی۔

Square Adsence 300X250


News Source   News Source Text

WATCH LIVE NEWS

مزید خبریں
خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.