آخری ٹیسٹ: انڈیا کے خلاف انگلینڈ مشکلات کا شکار، جونی بیرسٹو کی سینچری

image
انگلینڈ اور انڈیا کے درمیان جاری آخری ٹیسٹ میچ میں انگلینڈ کی ٹیم مشکلات کا شکار ہے۔ انگلینڈ کی پوری ٹیم پہلی اننگز میں 284 رنز پر آؤٹ ہوگئی ہے۔

دوسری اننگزمیں انڈیا کو 132 رنز کی برتری حاصل ہے۔

میچ کے تیسرے دن انگلینڈ نے کھیل کا آغاز 84 رنز پر پانچ وکٹوں کے ساتھ کیا جس کے بعد کھانے کے وقفے سے پہلے کپتان بین سٹوکس 25 رنز بنا کر آؤٹ ہوگئے۔

بین سٹوکس کو اننگز میں دو بار مواقع ملے، جس کا وہ فائدہ نہ اٹھا سکے اور 25 رنز پر شردل ٹھاکر کی گیند پر جسپرت بمرا کو کیچ دے بیٹھے۔

انگلینڈ کی جانب سے ان فارم پلیئر جونی بیرسٹو نے سینچری بنائی جس کی بعد انگلینڈ ٹیم کو سنبھلنے کا موقع مل گیا۔

جونی بیرسٹو نے 14 چوکوں کی مدد سے 140 گیندیں کھیل کر 106 رنز بنائے۔

اس سے پہلے انگلینڈ کے ٹاپ آرڈر کی جانب سے مایوس کن کارکردگی دیکھنے میں آئی ہے۔

پہلی اننگز میں الیکس ہیلز 6، زیک کرالی 9، اولے پوپ 10، جو روٹ 31 اور نائٹ واچ مین جیک لیچ 0 پر آوٹ ہوگئے تھے۔

The glorious summer of Jonny Bairstow 

Scorecard/Clips: https://t.co/jKoipF4U01

#ENGvIND @IGcom pic.twitter.com/Ycl8Odq8ur

— England Cricket (@englandcricket) July 3, 2022

انڈیا کی جانب سے محمد سراج نے چار، جسپریت بمرا نے تین، محمد شامی کے دو جبکہ شردل ٹھاکر نے ایک کھلاڑی کو آؤٹ کیا۔

میچ کے دوران وراٹ کوہلی اور جونی بیر سٹو کی درمیان تلخ جملوں کا تبادلہ بھی دیکھنے میں آیا جس کے بعد جونی بیرسٹو نے جارہانہ بیٹنگ شروع کردی۔

Caption

جونی بیرسٹو کی جانب سے سینچری سکور کرنے پر سماجی رابطوں کی ویب سائٹ ٹوئٹر پر تعریفی تبصرے دیکھنے کو مل رہے ہیں۔

سابق انڈین کھلاڑی وریندر سہواگ اپنے ٹویٹ میں لکھتے ہیں کہ ’جونی بیرسٹو کا وراٹ کوہلی کے ساتھ تلخ کلامی سے پہلے سٹرائیک ریٹ 21 تھا، تلخ کلامی کے بعد 150 ہوگیا، پجارا کی طرح کھیل رہے تھے، کوہلی  نے بلاوجہ تلخ کلامی کر کے پنت بنوا دیا۔‘

Jonny Bairstow's Strike Rate before Kohli's Sledging -: 21

Post Sledging - 150

Pujara ki tarah khel rahe thhey, Kohli ne Pant banwa diya bewajah sledge karke #IndvsEng

— Virender Sehwag (@virendersehwag) July 3, 2022

انگلینڈ کے سابق کپتان مائیکل وان اپنے ٹویٹ میں لکھتے ہیں کہ 'کیا کسی نے لگاتار تین ٹیسٹ میچز میں اتنا اچھا کھیلا ہے؟ امید ہے کئی نے کھیلا ہوگا، لیکن میں کہوں گا کہ جونی بیرسٹو نے فہرست میں سب سے اوپر ہیں۔‘

Has anyone ever played better over 3 consecutive Test matches .. Sure many have come close but I would argue @jbairstow21 is top of the list .. #ENGvIND

— Michael Vaughan (@MichaelVaughan) July 3, 2022

جونز نامی صارف لکھتے ہیں کہ 'کیا اچھی باری ہے، بیرسٹو کا ایجبسٹن پر شو، انگلینڈ نیچے تھی، باہر تھی، اور پھر بیرسٹو نے یادگار سنچری بنائی اور انگلینڈ کو بچا لیا۔‘

What a knock, the Bairstow show at Edgbaston, England down & out then again the rescue act by Bairstow and scored a memorable hundred. pic.twitter.com/h1WX2K9wQz

— Johns. (@CricCrazyJohns) July 3, 2022

خیال رہے انڈیا نے پہلی اننگز میں رشبھ پنٹ اور رویندر جڈیجا کی سینچریوں کی بدولت 416 رنز بنائے تھے۔


News Source   News Source Text

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.