بھارتی کامیڈین کی حالت تشویشناک، وینٹی لیٹر پر منتقل

image
ممبئی(نیوز ڈیسک)ورک آؤٹ کے دوران دل کا دورہ پڑنے والے بھارت کے معروف اسٹینڈ اپ کامیڈینو اداکار راجو شری واستو کی طبیعت بگڑ گئی جس کے بعد اسپتال منتقل کردیا گیا۔بھارتی میڈیا رپورٹس کے مطابق راجو شری واستو جم میں ٹریڈ مل پر ورزش کررہے تھے کہ انہیں سینے میں درد ہوا اور وہ گرپڑے جس کے بعد اداکار کو اسپتال لے جایا گیا۔ڈاکٹرز کی جانب سے دیے گئے حالیہ بیان میں بتایا گیا ہے کہ کامیڈین راجو کی طبیعت سنبھل نہیں رہی ہے جس کی وجہ سے انہیں وینٹی لیٹر پر منتقل کردیا گیا ہے۔ڈاکٹرز کے مطابق اداکار کی جان خطرے میں ہے اور ان کا علاج جاری ہے۔خیال رہے کہ راجو شری واستو بھارت کے مقبول اسٹینڈ اپ کامیڈینز میں سے ایک ہیں، وہ 1980 سے انٹرٹینمنٹ انڈسٹری سے منسلک ہیں۔اداکار کو بین الاقوامی شناخت اسٹینڈ اپ کامیڈی شو ’دی گریٹ انڈین لافٹر چیلنج ‘ کے پہلے شو سے ملی اور انہوں نے کئی فلموں میں بھی اداکاری کے جوہر دکھائے۔


News Source   News Source Text

مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.