پنجابی (ترے نیناں وچ کاجل جیہڑا) ١
Poet: NEHAL GILL By: NEHAL, Gujranwalaترے نیناں وچ کاجل جیہڑا
اُونے لُٹیا کُڑیئے دل مرا
ترے لمبے لمبے وال جیہڑے
کلیجے تے کردے وار جیہڑے
تُوں ہس کے جے کولوں لنگ جاوے
جیوندیاں نوں صولی تُوں ٹنگ جاوے
نین سُٹ کے جد سرموندی تُوں
چُنی منہ وچ لے کے مسکوندی تُوں
سوہ رب دی مینوں ڈر لگدا
کِتے کھڑے کھلوٹے نہ مر جاہیئے
حُسناں دی مچدی اگ اندر
اِسی ایوے نہ کِتے سڑ جاہیئے
تینوں رب نے سوہنی شکل دِتی
پر بالکل نہ تینوں عقل دِتی
تُوں حُسن دا کر کے سنگار آئی
پچھے عاشق کِنے ٹوں مار آئی
ذرا گِل نال نین ملا لیں تُوں
دل دل نال اج وٹا لیں تُوں
ہوجاوے مالا مال کُڑیئے
اے شاعر جو نہال کُڑیئے
Rate it: 
Views: 303
20 Jul, 2012
More Love / Romantic Poetry
