اذان کے احترام میں موسیقی بند کروانے پر ساحر علی کے چرچے

image
پاکستان کے معروف گلوکار اور میوزک کمپوزر ساحر علی بگا کی جانب سے میوزک کنسرٹ کے دوران اذان کے احترام میں گانے کو بند کرنے پر ان کی تعریفیں کی جا رہی ہیں۔

ساحر علی بگا کی میوزک کنسرٹ کی ویڈیو سوشل میڈیا پر خوب وائرل ہو گئی ہے۔

 

View this post on Instagram

 

A post shared by Sahir Ali Bagga (@thesahiralibagga_official)

اس ویڈیو میں انہیں اپنا مشہور گانا مست ملنگ چہ کیتا ای کو منفرد انداز میں گاتے ہوئے دیکھا جا سکتا ہے۔

اس دوران ساحر علی بگا اذان کی آواز سن کر موسیقی کو بند کرنے کا حکم دیتے ہیں اور میوزک کنسرٹ میں شریک مہمانوں کو بھی اذان کا احترام کرنے کا کہتے ہوئے۔

 

View this post on Instagram

 

A post shared by Sagargram1 (@sagargram1)

ویڈیو وائرل ہونے کے بعد مداحوں کی جانب سے ان کی تعریفیں کی جارہی ہیں اور امید کا اظہار کیا کہ گلوکار ہمیشہ ایسے ہی اذان کا احترام کریں گے۔

بعض مداحوں نے ساحر علی بگا کی تعریفیں کرتے ہوئے لکھا کہ بطور مسلمان ہم سب پر فرض ہے کہ اذان کا احترام کیا جائے جبکہ کچھ مداحوں نے ان کے عمل کو سراہتے ہوئے لکھا کہ شکر ہے کہ انہیں اذان کے احترام کا خیال آیا ورنہ شوبز شخصیات خود کو پتا نہیں کیا سمجھ بیٹھتے ہیں۔

واضح رہے کہ ساحر علی بگا ان دنوں دوسرے گلوکاروں کی طرح پنجاب میں پنجاب گروپ آف کالج (پی سی جی) کے میوزک ٹوئر میں شامل ہیں اور انہوں نے حال ہی میں متعدد شہروں میں پرفارمنس کیں۔

انہوں نے پنجاب کے دارالحکومت لاہور میں بھی پنجاب گروپ آف کالجز کے ایک کنسرٹ میں شاندار پرفارمنس کی۔

گزشتہ دنوں ساحر علی بگا کو پرائڈ آف پرفارمنس دیا گیا تھا۔

گلوکار نے پرائڈ آف پرفارمنس ملنے پر کہا تھا کہ سرکاری طور پر ایوارڈ سے نوازے جانا میرے لئے باعث اعزاز ہے۔

دوسری  جانب گلوکارعلی بگا کا کہنا تھا کہ جب بھی کوئی پروجیکٹ شروع کیا پاکستان کا نام روشن کرنے کی سوچ ذہن میں رکھی۔

ساحر علی بگا نے کہا تھا کہ اپنے فن سے ملک کی خدمت کرتا رہوں گا۔

Square Adsence 300X250

News Source   News Source Text

WATCH LIVE NEWS

مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.