امریکا میں محدود سطح پر 5 جی کے اجراء کے باوجود پروازیں منسوخ

image

اے ٹی اینڈ ٹی اور ویرائزن کی جانب سے محدود سطح پر 5جی سروس متعارف کرانے کے باوجود امریکا جانے والی اور امریکا سے جانے والی کچھ پروازیں منسوخ کر دی گئیں۔ ہائی اسپیڈ وائر لیس سروس ایئر کرافٹ میں اونچائی ناپنے والی ٹیکنالوجی میں مداخلت کر سکتی ہے۔

بوئنگ 777 یا دیگر بوئینگ پر انحصار کرنے والی بین الاقوامی ایئر لائنز نے فیڈرل ایوی ایشن ایڈمنسٹریشن اور شِکاگو کی مقامی جہاز ساز کمپنی کے انتباہ کے بعد پروازیں منسوخ کیں یا دوسرے جہازوں میں منتقل کر دیں۔

وہ ایئر لائنز جو صرف یا زیادہ تر ایئر بس جیٹ چلاتی ہیں، جن میں ایئر فرانس اور آئرلینڈ کی ایئر لِنگس شامل ہیں، 5 جی سروس سے کم متاثر نظر آئیں۔

فلائٹ اویئر کے مطابق بدھ کی شام تک ایئر لائنز نے 320 سے زائد پروازیں منسوخ کیں۔

تاہم، پروازوں میں یہ خلل کرسمس اور نیو ایئر کے موقع پر ہونے والی منسوخیوں سے بہت کم ہے، جب موسمِ سرما کے طوفانوں اور ملازمین کے کووڈ-19 میں مبتلا ہونے کی وجہ سے 3200 پروازیں منسوخ ہوئی تھیں۔

انڈسٹری کے ایک تجارتی گروپ کا کہنا تھا کہ منسوخیاں اتنی بری نہیں تھیں جتنا ان کا ڈر تھا کیوں کہ اے ٹی اینڈ ٹی اور ویرائزن نے وقتی طور پر درجنوں ایئر پورٹ کے قریب کم جاری کرنے پر اتفاق کر لیا تھا۔ جبکہ انڈسٹری اور حکومت دیر پا حل پر کام کر رہے ہیں۔

Square Adsence 300X250


News Source   News Source Text

WATCH LIVE NEWS

مزید خبریں
سائنس اور ٹیکنالوجی
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.