بل گیٹس نے اپنی سی وی سوشل میڈیا پر شیئر کر دی

image

واشنگٹن: مائیکروسافٹ کے بانی بل گیٹس نے نوجوانوں کی حوصلہ افزائی کے لیے اپنی سی وی سوشل میڈیا پر شیئر کر دی۔

غیر ملکی خبر رساں ایجنسی کے مطابق بل گیٹس نے ملازمت کے خواہشمند نوجوانوں کی حوصلہ افزائی کے لیے اپنی 48 سالہ پرانی سی وی سوشل میڈیا پر شیئر کی ہے۔

بل گیٹس کی کمپنی میں دنیا کے قابل ترین لوگ بھی کام کرنے کی خواہش رکھتے ہیں ایسے میں بل گیٹس نے اپنی 48 سال پرانی سی وی صارفین کے ساتھ شیئر کر کے ان کا حوصلہ بڑھایا ہے۔

مائیکروسافٹ کے بانی بل گیٹس نے نوکری تلاش کرنے والی ویب سائٹ لنک ڈن پر 48 سال پرانی سی وی شیئر کی، جو انہوں نے ہارورڈ کالج کے پہلے سال میں بنائی تھی۔ بل گیٹس نے شیئر کردہ سی وی کے ساتھ لکھا کہ ’’چاہے آپ نے حال ہی میں گریجویٹ کیا ہو یا پھر آپ کالج ڈراپ آوٹ ہوں، مجھے امید ہے کہ میری 48 سال پرانی سی وی کے مقابلے میں آپ کی سی وی زیادہ بہتر ہوگی‘‘

سوشل میڈیا پر بل گیٹس کی جانب سے سی وی شیئر کرنے پر صارفین نے ان کا شکریہ ادا کرتے ہوئے کہا کہ یہ 48 سال پرانی ہونے کے باوجود بالکل پرفیکٹ ہے۔


News Source   News Source Text

مزید خبریں
سائنس اور ٹیکنالوجی
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.