آئی ایم ایف سے معاملات طے پانے میں مزید وقت درکار

image

اسلام آباد: وفاقی وزیر مملکت برائے پیٹرولیم ڈاکٹر سینیٹر مصدق ملک نے کہا ہے کہ آئی ایم ایف سے آئندہ ایک سے ڈیڑھ ہفتے میں معاملات طے پا جائیں گے۔

ہم نیوز کے مطابق وفاقی دارالحکومت اسلام آباد میں ذرائع ابلاغ سے بات چیت کرتے ہوئے پاکستان مسلم لیگ (ن) سے تعلق رکھنے والے وفاقی وزیر مملکت سینیٹر مصدق ملک نے کہا کہ آئی ایم ایف سے بنیادی معاملات طے پا گئے ہیں۔

ایک سوال کے جواب میں مصدق ملک نے کہا کہ آئی ایم ایف کے ساتھ اس وقت پیپر ورک چل رہا ہے، ملک محفوظ ہاتھوں میں ہے۔

ہم نیوز کے مطابق وفاقی وزیر مملکت مصدق ملک نے کہا کہ ہم آگے بڑھ رہے ہیں تاہم انہوں نے اعتراف کیا کہ اقتصادی طور پر تھوڑی مشکلات ہیں۔

واضح رہے کہ وفاقی وزیر خزانہ مفتاح اسماعیل سمیت کئی حکومتی رہنما آئی ایم ایف سے معاملات طے پانے کی بابت مختلف مدتیں بتا چکے ہیں۔

آئی ایم ایف سے شرائط طے، ابھی مشکلات آنی ہیں،مدت پوری کریں گے، وزیر اعظم

وفاقی حکومت کی جانب سے معاہدے کے لیے آئی ایم ایف کی عائد کردہ کئی شرائط پوری کرنے کی وجہ سے ملک میں مہنگائی تاریخ کی بلند ترین سطح پر پہنچ چکی ہے لیکن تاحال معاہدہ حتمی مراحل طے نہیں کرسکا ہے۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.