کامن ویلتھ گیمز: پاکستان کے ارشد ندیم نے جیولین تھرو میں گولڈ میڈل جیت لیا

image

کامن ویلتھ گیمز میں پاکستان کے ارشد ندیم نے جویلین تھرو میں گولڈ میڈل جیت لیا ہے۔

 فائنل کے پانچویں راؤنڈ میں ارشد ندیم  نے 90.18 میٹر تھرو کر کے کامن ویلتھ گیمز میں پاکستان کے لیے گولڈ میڈل حاصل کیا۔ 

یہ تھرو نہ صرف کامن ویلتھ گیمز کا نیا ریکارڈ ہے بلکہ ارشد کے کیریئر کی بھی بہترین تھرو ہے۔ 

ارشد ندیم نے پہلے راؤنڈ میں 86.81 میٹر کی تھرو کی۔

پاکستان نے 1966 کے بعد کامن ویلتھ گیمز ایتھلیٹکس میں میڈل جیتا ہے جبکہ 1962 کے بعد کامن ویتلھ گیمز ایتھلیٹکس میں پاکستان کا پہلا گولڈ میڈل ہے۔

اس سے قبل ارشد ندیم کی بہترین تھرو 86.38 میٹر تھی۔

دوسرے راؤنڈ میں ارشد نے فاؤل کیا لیکن تیسرے راؤنڈ میں انہوں نے 88 میڑ تھرو کردی اور پہلے راؤنڈ میں بنائے گئے اپنےہی ریکارڈ کو بہتر بنایا۔ 

چوتھے راؤنڈ میں اینڈریسن ارشد سے آگے نکل گئے تھے لیکن ارشد نے پانچویں راؤنڈ میں 90.16 کا ریکارڈ تھرو کر کے سب سے آگے نکل گئے۔

اولمپکس اور ورلڈ چیمپئن شپ میں پانچویں پوزیشن پانے والے ارشد ندیم کا میچ سے پہلے کہنا تھا کہ وہ میڈل جیتنے کے لیے پورا زور لگائیں گے.

پاکستان کے ایک سو تین رکنی دستے نے کامن ویلتھ گیمز میں شرکت کی۔ پاکستان اب تک دو گولڈ، تین سلور اور تین برانز میڈل جیت چکا ہے۔

گزشتہ کامن ویلتھ گیمز میں پاکستان نے پانچ میڈلز حاصل کیے تھے۔


News Source   News Source Text

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.