انڈیا میں سونے کے سکے نکالنے والی اے ٹی ایم کا معاملہ کیا ہے؟

image
ہم سب جانتے ہیں کہ اے ٹی ایم سے رقم نکالی جا سکتی ہے، لیکن انڈیا میں پہلی مرتبہ ایک ایسی اے ٹی ایم لگائی گئی جس سے لوگ ڈیبٹ یا کریڈٹ کارڈ کے ذریعے سونے کے سکے بھی نکال سکتے ہیں۔

انڈین نیوز چینل این ڈی ٹی وی کے مطابق اس مشین کا نام ’گولڈ سکہ اے ٹی ایم‘ ہے اور میں پانچ کلوگرام سونے کے سکے رکھے جا سکتے ہیں۔ اس مشین سے 0.5 گرام سے سو گرام کے سکے حاصل کیے جا سکتے ہیں۔

گولڈ سکہ کے نائب صدر پرتاپ نے کہا کہ ’لوگ جیولری کی دکانوں پر جانے کے بجائے یہاں سے سکے حاصل کر سکتے ہیں۔ سونے کے یہ سکے 24 قیراط کے ہیں۔‘

 ان کا کہنا تھا کہ اس اے ٹی ایم میں سونے کی قیمت لائیو اپ ڈیٹ کی جاتی ہے۔ ’قیمتیں یہیں اپ ڈیٹ کی جاتی ہیں جو سکرین پر نظر آتی ہیں۔ اسی طرح سونے پر لگنے والے ٹیکسز بھی دیکھے جا سکتے ہیں۔‘

’آج دوپہر تک 20 افراد نے اس مشین کو استعمال کیا اور ہمیں امید ہے مزید لوگ اسے استعمال کریں گے۔‘

اس مشین کی سیفٹی کے حوالے سے نائب صدر کا کہنا تھا کہ ’دیگر اے ٹی ایم مشینوں کی طرح ہم نے اس کی سکیورٹی کا بھی انتظام کیا ہے جس میں بلٹ اِن کمیرہ اور ساؤنڈ الارم شامل ہے۔ اس کے علاوہ ہم نے اے ٹی ایم کے باہر تین سی سی ٹی وی کیمرے لگائے ہیں۔‘

We proudly announce that we have successfully launched Gold ATM and, through this achievement, we unleash the unstoppable journey to make Bharat Sone ki Chidiya phir se, and contribute to the mission of Bangaru Telangana.https://t.co/a2Q25copfW#goldatm #goldatmindia #goldatmhyd pic.twitter.com/Y4QOpuhoSD

— Goldsikka Limited (@goldsikkaltd) December 5, 2022

پرتاپ نے کہا کہ اگر ٹرانزیکشن مکمل نہیں ہوتی اور پیسے کٹ جاتے ہیں تو گاہک کو یہ رقم 24 گھنٹے میں واپس مل جائے گی۔


News Source   News Source Text

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.